Í minningu Báru

Hún Bára lést í morgunn.  Hún var búin að vera veik nú um nokkurn tíma og það var orðið ljóst fyrir nokkru í hvað stefndi. Samt bregður manni alltaf og þetta er búið að vera erfiður dagur. Líka af því að Sivi tjáði mér að góð vinkona hans hefði fallið frá fyrir nokkrum dögum frá tveimur litlum börnum.  Það er svo dapurlegt þegar fólk er að falla frá á besta aldri  sem á eftir að gera svo margt í lífinu. Það er svo ósamgjarnt. Ég kynntist  Báru  fyrir 10 árum bráðum. Það var þegar við Palli vorum á Flókagötunni og hann að klára meðferðina sína og nú er hún farin frá okkur eftir erfiða meðferð. Elsku Bára takk fyrir  samferðina og Elsku Guðbjartur og Ívar guð styrki ykkur  í sorg ykkar.