Í sauðburði

Í þessum skrifuðu orðum  sit ég við tölvuna á Bassastöðum. Ég er semsé núna vinnukona þar í nokkra daga  til að fá útrás fyrri sauðburðartremmann. Ég hef alltaf haft gaman af svoleiðis subbi eins og að vera í sauðburði og ákvað að reyna að komast í þannig bras og úr því að þau Brandur og Lilja voru svo elskuleg að vilja leyfa mér að vera í nokkra daga, þá er ég þeim ákaflega þakklát. Ég kom norðurí gær og var við jarðaförina hennar Nönnu vinkonu minnar blessuð sé minning hennar. Ég ´skrapp svo aðeins yfir heiði að Nauteyri og skildi þar trommusettið eftir því það er á leiðinni á Ísafjörð. Það er svolítið skrítið að vera í sauðburði hjá öðrum en sjálfri sér en gaman samt því þetta er sama stússið hvar sem sauðburður er. Ég ætla svo suður á miðvikudag og þarf að mæta aftur í vinnu fyrir helgi. Þetta er smá sumarfrí sem ég er að taka. ´Jæja það er svosem ekkert við þetta að bæta en ég vona að þau hafi það gott í ferðalaginu sínu Palli og Anna útá Spáni og sendi okkur smá sólargeisla hingað á hjarann.

Athugasemdir

[Hallgrímur Óli Helgason, 18.5.2008 kl. 21:20]

Já það er gaman í sauðburðinum, var núna í viku í sveitinni minni í Aðaldalnum, hef lítið átt við þetta síðustu tuttugu og átta árin en alltaf gaman að fylgjast með þessum litlu greyjum komast á lappirnar eftir burðinn, afastelpan var ekki eins hrifin af þessu stússi í afa sínum.

kveðja Halli

[Jón Bjarnason (IP-tala skráð) 18.5.2008 kl. 21:48]

Gangi þér og ykkur allt í haginn í sauðburðinum. 

Góðar kveðjur í bæinn og á Strandirnar

 Jón Bjarnason

[Bryndís Guðmundsdóttir, 19.5.2008 kl. 09:24]

ég væri til í að komast aðeins í sauðburð.  Fór einmitt í sveitaferð með Inda á leikskólanum og voru kindur að bera þar. Það var svo gaman að komast aðeins í fýlingin aftur

kv. Bryndís