Komin að vestan

Siðasta vika í vinnunni var bara þokkaleg. Ef frá er skilinn einn dagur. Það var eins og andskotinn sjálfur hefði verið að ergja fólk. Frekjan og yfirgangurinn var með ólíkindum og þegar ein konan sakaði mig um að vera að stela frá sér perónulega var mér nóg boðið. Þar var réttlætiskend minni misboðið og ég sagði eitthvað við konuna sem ég segi að öllu jöfnu ekki við kúnna. Svo illa var mér misboðið.. En ég var ekki sú eina sem lenti í rugluðu lið þann daginn það virtist vera um alla búð og fólkið sem ég vinn með var mikið niðri fyrir eftir daginn.Við spáðum í það hvort þyrfti að fá geðlækni á staðinn en svo kom í ljós að það var fullt  tungl.... En ljósi punkturinn þann daginn var að Unnur frænka mín birtist í búðinni og þá var deginum bjargað. Takk elsku frænka fyrir að heilsa uppá mig þarna á staðnum. En svo brunuðum við að Nauteyri á föstudag. Frábært við þrifum pottinn og lágum þar í tíma og ótíma. Veðrið var hlýtt og gott og við notuðum helgina til að þrífa húsið og gekk bara vel og við gerðum meira ein við ætluðum að gera í þessari ferð. Og það var frábært að vera þarna um helgina og merkilegt það var enginn eftirsjá hjá okkur eftir fyrra lífi þarna á staðnum. Gaman að vísu að sjá hvað skógræktin hefur dafnað uppí HAfnardal en þarmeð er það uppurið. Og full orku ókum við heim eftir hádegið . Á heiðinni blasti við með reglulegu millibili fólk sem var vel neonlitað og með ruslapoka og labbaði meðfram veginum. Þegar við blasti kona með auðþekkjanlegan háralit á háheiðinni stoppuðum við og kölluðum út. Þetta reyndist Drífa vinkona okkar og þá kom skíringin á þessu athæfi. Nefnilega verið að taka til í kringum veginn til styrkar kvennakórnum og frábært framtak.... Svo sannarlega prik fyrir þær. Það var svo grillaður fiskur á Svöluásnum í kvöld og það er bara snilld.....