Norð-vestur ferð.....

Hann Einar frændi minn hefði átt afmæli í dag. Það var oft kalt og bræla á þeim degi þegar ég var að alast upp. Púff. Jæja en við fórum í djúpið um helgina. Reyndar á 'Ísafjörð á sunnuddeginum því það var verið að ferma Hákon Óla. En þetta var ljúf ferð og ósköp notalegt að koma á Nauteyri og vera þar. En það sem blasti við okkur á leiðinni útáströnd var ekki jafn notalegt, Nefnilega gámurinn sem ruslið er sett í við Rauðamýri. Það var eitt stórt ruslafjall á að líta bæði uppúr honum útúr honum og í kringum hann og svo var varguriinn búin að laga svolítið til í öllu og farið að fjúka útum allt. 'ógeðlegt. Ætli sorphirðubíllinn sé bilaður eða eitthvað svoleiðs????Við fórum siðan í fjárhúsin hja´Brandi og og loks hjá Drífu svo við fengjum smá fjárhúslykt.  Hóstinn lagast lítið svo fór í dag að mér brast þolinmæði efir 6 viku og 3 skipt hjá læknum og fór í 4 skipti og viti menn Berkjubólga og asmi og má þakka fyrir að fara ekki á stera ef þetta lagast ekki með hraði. Líklega loksins lent á almennilegum lækni.  Jæja við hjónin fórum samt í góðan göngutúr í kvöldblíðunni núna og vorum klukkustundar plampi um hverfið.

Þoka og suddi

Það er milt og rakt loft í höfuðborginni núna þessa dagana. Þokan var svo þykk í dag að mér fannst ég nánast fá strandafíling. Ég vinn frekar langann vinnudag og er löt að heimsækja mína nánustu , skammarlega löt.  Ég ætla alltaf að fara eitthvert kvöldið en svo nenni ég því ekki þegar til kemur. Annars er allt gott af okkur að frétta. Við hóstum nokkur á heimilinu all hressilega en mér er loks að byrja að skána eftir 5 vikur.   Ég játa að þetta er með lengstu kvefpestum sem ég hef fengið. OG með þeim verri. Við förum til Ísafjarðar um helgina það stendur til að ferma Hákon Óla og það verður töff því ég á að vinna á laugardaginn. Ég á frí á föstudag þarf að erindast smávegis þnn daginn en vinn svo laugardaginn og svo ætlum við að bruna af stað og gista á Nauteyri um nóttina og fara fram og til baka þann daginn.   Nenni ekki að keyra í beit til og frá Ísó. Samt get ég ekki sagt að mig langi neitt sérstaklega  að fara í djúpið.  Það er ekkert sem dregur mig þangað . Þannnig að það er nokkuð augljóst að ég hef verið búin að fá þokkalega nóg af verunni þar vestra..... Annars er Reynir að verða slappur en vonandi veikist hann ekki í það minnsta  vonandi orðinn hressari á laugardag.  Annars á Sædís mín afmæli í dag og þau skötuhjúin fóru á Pizza stað í tilefni dagsins En annars voru ábristirnar mjög góðar og potturinn vægast sagt sleiktur innan. langt síðan þetta  hefur verið á borðum.....

Vorið

Við höfum verið að myndast við að gera pallinn nothæfan sem er á bakvið húsið okkar. Það var semsé pallur tæplega hálfklárraður og ekki hægt að nota hann af neinu viti því það vantaði bilið við dyrnar svo hægt væri að ganga útá hann og nota hann í veðurblíðunni og t,d , grilla.  En núna er þetta allt að potast áfram og þegar stóru hunangsflugurnar koma sveimandi um þá er frekar vorlegt orðið. Það  er svo notalegt. Vorið er besti tími ársins og ég er mikið vorbarn. Þá er náttúran að vakna og Maður heyrir í fuglunum aftur sem hafa verið í löngu fríi. Ég á þá mynd af vorinu í huga mér þegar var  verið að koma að landi með grásleppuhrognin og ég heyrði í trillunni koma og mávinum og ritunni garga í yfir henni og vonast eftir æti sem auðvitað var væntanlegt. Samt er eitthvernvegin alltaf þoka í þessari mynd og hún gerir svolitla dulúð í minningunni sem er mjög yndislegt. Annars er það svo sterkt í huga mér þessa dagana að núna eru 10 ár síðan Palli var í sinni meðferð. 10 ár að-- hugsa sér. Svo lagt síðan en samt finnst mér það mjög stutt. Svo  margt hefur skeð á þessum tíma bæði gott og vont sem best er að vera ekki að rifja upp. En þessi reynsla þó hræðileg væri gerði mig mjög sterka ,sterkari en ég hélt að ég gæti orðið og kenndi mér þó ég væri ekkert sérstaklega veraldlega sinnuð hvað er raunverulega verðmætt í lífinu. OG það eru börnin og maki og manns nánustu. Ekkert annað er í raun og veru verðmætt. En ég er líka miklu meirari gagnvart þeim sem eiga erfitt og ég skynja sársauka fólks mikið betur því ég get að vissu leiti sett mig í þeirra spor og ég lít á mig sem einstaklega lánsama mannesku því það njóta ekki allir þeirra gæfu að heimta barnið sitt til baka úr jafn alvarlegum veikindum og krabbamein er. En líklega er þetta af þvi að núna er sá tími þ.e. maí sem ég var hvað lengst ein með honum því Reynir og strákarnir voru fyrir vestan þá og það var sauðburður og nóg að gera. Jæja þetta er svona fortiðar pæling. En nuna stendur til að elda ábristir á morgunn því Páli áskotnaðist það hnossgæti svo það verður kvöldmatur annað kvöld og fáséð nammi.......

1.maí

Í síðustu viku settist ég við tölvuna og bloggaði stóra og mikla færslu og var mikið niðrifyrir. En þegar ég ætlaði að hætta var tölvusambandið rofið og allt fór út. Móðurinn var líka runnin af mér og þar með ekkert blogg. En núna er 1. maí og þar að leiðandi frí. Og meðan ég safna kjarki að fara að þrífa húsið mitt er tilvalið að fara að blogga. Ég verslaði smá timbur í Húsó í gær svo hægt væri að klára pallinn við húsið mitt svo við getum farið að ganga útá hann og fara að nota hann t.d. til að grilla  Mikið hroðalega er timbur dýrt sérstklega þegar maður þarf að borga það sjálfur. Ég man eftir þessum degi fyrir 10 árum. Ég var til heimilis á Flókagötunni þá og strákurinn minn á sjúkrahúsinu í sinni 3 meðferð við krabbanum sem þá hrjáði hann. Það var gott veður og ég labbaði uppá spítala eins og ég var vön. Þetta var góður spotti og ég var um það bil 25 mín að ganga þetta. Þegar ég gekk yfir holtið fram hjá Hallgrímskirkju þá var þar múgur og margmenni og ég skildi ekkert í hvað allt þetta fólk var að gera. En þegar ég sá lúðrasveit og alles þá rann það upp fyrir mér að það var 1. maí. Svona var ég sambandlaus við samtímann þá.  Ég er með hroðalegann hósta sem er búin að hrjá mig í 3 vikur rúmar og eftir því sem læknir sem ég fór til í  síðustu viku sagði mér má ég reikna með 3 til vðbótar. Það er svo að Atli vinur minn á kassanum er farinn að hafa orð á því að ég eigi að fara að minnka reykingarnar.  Við erum að stofna léttvínsklúbb í vinnunni hjá mér núna og hann byrjar á morgunn. Samstarfkona mín stakk uppáþessu og ég er þannig  að þá veð ég af stað eða eins og sagt er að gott sé að etja fíflinu á foraðið , það er ég og svo veit ég aldrei fyrr en ég er komin á kaf í pittinn hvað ég hef komið mér í. og kemst ekki úppúr. Jæja ég sem sé óð á milli starfsmanna og núna er dæmið að fara á stað og allir spenntir. Það sem maður lætur hafa í útí. Jæja þetta verður gaman og þeir sem eru þurrir á staðnum eru eiginlega fúlir yfir að geta ekki verið með. En vilja ekki sitja uppi með eithvað sem þeir ekki drekka. Skil það vel Jæja þá e best að hætta þessu bulli og fara að manna sig í að þrífa of reyna að vera svo duglegri að blogga.........

smá flandur

Við skruppum eftir vinnu í gær í bíltúr og heimsóttum Gunna og Siggu Jónu og þar var að sjálfsögðu gaman. Þórarinn og Hildur komu líka og þetta var alveg frábært kvöld. Svo í dag fórum við svo með þeim í bíltúr um tungurnar og það er alltaf gaman að fá leiðsögn um slóðir sem þessar þó að maður eigi að þekkja þær.Sædís fór með okkur áleiðis en var svo sótt og fór í heimsókn að Skáldabúðum. Þangað sóttum við hana svo í dag á heimleiðinni. Það var svo gott á  grillinu  í kvöldmatinn og allir nokkuð sáttir og mettir. Þá er kominn svefntími og ekki eftir neinu að bíða

Frekar sýrt lið gengur laust.........

Það er frekar sýrt í vinnunni núna. Lítið að gera og hægt að taka til og þess háttar sem stundum hefur setið á hakanum. eða fara  í skipulagsbreytingar öðru nafni.  Það hafa komið dagar sem svo leiðinlegt fólk hefur komið inn og  skammast og rifist að það hálfa er nóg og ég hélt á mánudaginn að það hefði hreinlega verið sleppt út af eitthverju vitleysingahælinu svo bilað lið var að bögga okkur.  Svona lið á eignlega ekki að ganga laust.  Það er stolið alveg ótrúlega miklu af vörum úr búðinni og fólk er ansi lúnkið við að fela tómar umbúðir  hér og þar. Svona dagar ræna mann orku og eins er maður hálf dapur ennþá. En það lagast dag frá degi og maður lagast í sálinni hægt og hægt. Samt er maður ótrúlega meir og fljótur að klökkna er eitthvað gerist eða ef eitthver á bágt nálægt manni. Ég er líka svo vitlaus tek inná mig þegar fólk á erfitt í kring um mig og græt helst með því. Hef alltaf verið svona og líklega lagast ég ekki úr þessu.   Við höfum  nú samt farið í ræktina  eins og vanalega  þessa vikuna en ég er frekar lin og þreytt. Indriði er en með hita en er samt í skólanum og mér er nú ekki farið að standa á sama. 'Eg er farin að bíða eftir vorinu og við erum byrjuð að grilla sem er svona firstu merki vorsins hérna.   Jæja það er annars allt gott af okkur að segja og þetta er allt að meðaltali gott. Vantar eiginlega að fara að komast í sveitina í Tungunum og heimsækja gott fólk þar. Erum að spá í það um helgina. 

13.apríl

Það er snjókoma núna og þykkt blautt snjóteppi yfir öllu. Við hjónin vöknuðum snemma eða um 8 og eftir sterkt og gott kaffi var farið út og mokað ofanaf bílnum sem var vel smurður ofan. Síðan var skellt sér í sund og var það alveg dýrlegt svona í morgunsárið og fáir í sundi þannig að það er gott að synda og enginn að bögga mann. Bóndinn er XX ára gamall í dag eða 51 árs. Og aldurinn fer honum ekki illa og eins og sagt er með gott vín að það lagist með aldrinum þá held ég að það eigi við okkur mannfólkið svona flest líka því vonandi læra flestir af lífinu og lífið batnar ,allavega hjá okkur.  Svo er hún Bryndís frænka mín 30 í dag, Tíl hamingju elsku frænka. Ég á alltaf svo mikið í ykkur Guggu. Fékk að njóta þeirra forréttinda að fá að passa ykkur og dröslast með ykkur litlar sem var svo yndislegt. Núna sitjum við og erum að horfa á fótbolta og svo er stefnt á fermingarveislu í Garðinum seinna í dag. Ekki ónýtt á afmælisdaginn.   Indriði er búin að vera veikur alla þessa viku og þetta er búin að vera versti veikinda vetur hans í manna mynnum. Núna hefur grafið í kinnholunum á honum en hann er að skríða saman.  Verður vonandi ferða fær í skólann á morgunn..Annars er hann búinn að fá vinnu í sumar á sama stað og í fyrra..    Það er líka stór afmæli hjá Siva á árinu  eða 25 pælið í þessu aldurin á börnunum hjá manni . Vá, Palli er nefnilega eldri og litla barnið mitt hann Indriði er 18 ára . Ég sem er svo bráðung að eigin matiekki deginum eldri en mér finnst ég vera. í alvörunni............................

Þetta gengur

Jarðaförin hennar Báru var í gær. Veðrið var fallegt og sólin skein. Það var fjölmenni og athöfnin falleg. Presturinn sem var í þessu tilviki kona talaðist nokkuð vel. Var svona á þeim nótum að það var frekar auðmýkt og var ekki að vinda tárakirtlana eins og sumum prestum er svolítið gjarnt á að gera til að gera tilfinningaflóðið sem mest eins og það sé ekki í flestum tilvikum nóg. Við fórum svo til Guðbjartar í gærkvöldi og þar var þvílíkt blómahaf að ég ofnæmisgemlingurinn er en með hálsbólgu. Ég hef nefnilega baslast alla tíð með snertur af  eittuhverju frjóofnæmi sem hefur versnað með aldrinum og veldur leiðindar kvefi og sviða í öndunnarfærin. Það var rólegur dagur í vinnunni í dag svo  við kvenfólkið reyndum að búa til verkefni og snérum öllu við og fórum að umbreyta skipaninni og það er gaman fyrir okkur en kúnnarnir og karlpeningurinn er ekkki allur eins hrifinn en samt flestir sem vinna í kring um okkur eru bara nokkuð sáttir við breytinguna og baslaganginn á okkur. 

Sorgin

Það var farið á fjöll í gær í þvílíkri sól að það hálfa var nóg. Færið var hinsvegar ekki gott og við snérum sem betur fer frá því að spóla okkur til óbóta værum sennilega enn þarna ef það hefði verið gert. Það var samt nauðsynlegt að festa bílinn aðeins og það var bara gaman en en skemmtilegra að sjá ameríksku drekana sökkva á kaf og vera ósjálfbjarga. Það er komin vorlykt í loftið og það er gott. Annars vorum við á kistulagningu Báru í dag. Friðsæl sorgarstund ákaflega falleg athöfn. Það á að jarða hana á miðvikudag og þetta eru daprir dagar en ég er feginn að þetta er að vori því það er betra að glíma við sársaukann þegar birtan er yfir. 'Eg veit að þetta er væl í mér en bloggið er líka til að væla á tjá bæði gleði og sorg. Og núna er það sorgartímar fyrir okkur öll. Það þarf að díla við það líka og gráta á síðum bloggsins ekki síður en að setjast niður og gráta sem er reyndar nauðsynlegt líka.  Það er auðvitað auðvelt að vera með eitthverjar heimspeklegar pælingar en það breitir engu um það hversu sárt þetta allt er. Nístir í raun hjarta manns og það er vont. Þegar  ættingjar og vinir falla frá sem eru búin  að lífa langa æfi hafa skilað miklu æfiverki er að mörgu leiti auðverldara  að kveðja það tala nú ekki um ef veikindi hafa staðið lengi. En þegar fólk eins og Bára deyr á besta aldri eða Sandra rétt 20 ára þá er þetta svo ósanngjarnt. Og það er svo sárt.  Svo erfitt að sætta sig við og skilja tilganginn.   Segi eins og pabbi sagði eittsinn við mig " svona er nú lífið ekki alltaf sanngjarnt  en dauðinn er víst hluti af lífinu. " En annars erum við Atli vinnufélagi minn að fara á námskeið á morgunn á vegum Húsasmiðjunnar og verðum víst mestallann daginn þar.

Sígin ýsa og selspik

Það er búið að vera ofboðlega fallegt veður í höfuðborginni í dag. Við höfðum matarboð í hádeginu. Alveg frábæran mat og alveg einstaklega standalegann. Tengdó Guðbjartur Palli og Anja komu og nutu með okkur  heimilisfólkinu í Svöluásnum hádegisverði sem samanstóð af Selspiki síginni ýsu og rúgköku --algjört möst.  Það fæst nefnileg selspik í einni af fiskbúiðum Hafnarfjarðar..  Við fórum svo í bílstúr með tengdó til að velja og pannta krans fyrir' jarðaförina  hennar Báru og fórum með smá afgang af hádegimatnum til hennar Rósu sem tók því ekki illa að fá afgang sem þennan. 'A morgun er okkur boðið  í morgunsárið  í bíltúr á Langjökul og ég held að það geti orðið kúl. Annars erum við frekar döpur þessa dagana og ég get eiginlega sagt að hjart mitt sé fullt af sorg og ég er eiginlega gráti nær í tíma og ótíma. Liklega eru þetta sorgarviðbrögð þegar eitthver fellur frá sem manni þykir vænt um og er svo ósanngjarnt að fari frá manni fyrir tímann, Líka þegar eitthver fer eins og Sandra sem deyr frá litlu börnunum sínum og á allt lífið eftir. Ömurlegt slys. Jæja það verður gott að fara á Jökulinn og þar verður birta sól sem maður þarf að fá í sálina.